Kjarni mannauðs- og launakerfi

Launajafnrétti með Kjarna

Flokkun starfa innan fyrirtækis er forsenda fyrir því að vel takist að ná markmiðum um launajafnrétti. Með því að meta störfin innbyrðis út frá vel skilgreindum viðmiðum, er hægt að tryggja að saman flokkist jafn verðmæt störf. Lykilatriði við innleiðingu jafnlaunastaðalsins er síðan launagreining, en það er reglubundin úttekt á launum og kjörum starfsmanna í því skyni að skoða hvort um kynbundinn launamun sé að ræða.

Kjarni einfaldar mjög alla yfirsýn og skýrslugerð varðandi launamál fyrirtækja og gerir stjórnendum kleift að:

• halda utan um launagögn og kjör starfsmanna og gera vandaðar úttektir á þeim.
• verðmeta störf eftir ábyrgð, hæfniskröfum, menntun eða reynslu, og taka út jafnlaunagreiningu með slíkri flokkun.
• nota launagreiningu til að móta jafnlaunastefnu fyrirtækisins og setja markmið varðandi launajafnrétti kynja.
• flokka og skila gögnum til úttektaraðila þegar kemur að jafnlaunavottun.

Algengar spurningar um Kjarna

• Er hægt að fá prufuaðgang að Kjarna?

  Við bjóðum ekki upp á prufuaðgang að Kjarna, en þú ert velkominn á kynningu hjá okkur, þegar þér hentar.

• Er hægt að hafa umsóknarferli mismunandi á milli auglýstra starfa?

  Já, hægt er að hafa mismunandi sniðmát fyrir auglýsingar í Kjarna. Notendur geta sjálfir stillt hvaða spurninga á að spyrja í umsóknarferlinu, í hvaða röð og hvaða spurningar eru skilyrtar og hverjar ekki.

• Er hægt að halda utan um starfsaldur í Kjarna?

  Já, Kjarni sér um að reikna út starfsaldur starfsmanna, bæði til launa og til viðurkenninga. Kjarni kemur með athugasemd þegar kemur að launahækkun eða orlofsflokka hækkun út frá þeim forsendum sem skráðar eru í kjarasamninga/stéttarfélög.

• Er til notendahandbók fyrir Kjarna?

  Já, notendahandbók Kjarna er aðgengileg á vefnum.

• Geta starfsmenn haft aðgang að eigin upplýsingum í Kjarna?

  Já, á starfsmannavef geta starfsmenn nálgast sínar eigin upplýsingar sem skráðar eru í Kjarna, t.d. séð yfirlit yfir þau námskeið sem þeir hafa sótt, yfirlit yfir menntun, starfsaldursupplýsingar og margt margt fleira. Starfsmannavefinn er hægt að tengja við innri vef fyrirtækis.

• Geta starfsmenn séð yfirlit yfir námskeið á vegum fyrirtækisins og skráð sig á þau?

  Já, á starfsmannavef Kjarna geta starfsmenn séð yfirlit yfir námskeið í boði og skráð sig. Einnig geta starfsmenn séð yfirlit yfir þau námskeið sem þeir eru skráðir á, eða skráðir á biðlista á, auk yfirlits yfir námskeiðssögu sína hjá fyrirtækinu.

• Hvernig er gagnaöryggi háttað þegar launagögn eru geymd í skýinu?

  Hýsingin er í öruggu og ISO vottuðu hýsingarumhverfi Origo. Gögnin eru í raun öruggari þar en á netþjóni í fyrirtækinu þínu.

• Hvernig tekst Kjarni á við það ef skrifað er undir kjarasamninga rétt fyrir útborgun launa?

  Í Kjarna er aðgerð sem keyrð er til að leiðrétta laun afturvirkt, út frá nýjum launatöflum. Aðgerðin er alsjálfvirk og skilar áður greiddum launum sem mínusfærslum og sömu einingum í plús á móti með nýrri upphæð úr nýrri launatöflu.

• Hvernig styður Kjarni við breytingar vegna kjarasamninga?

  Við reynum eftir fremsta megni að tryggja að lausnirnar okkar styðji við þær breytingar sem gerðar eru á samningum hverju sinni.

  Í notendahandbók Kjarna er að finna leiðbeiningar um hvernig framkvæma má helstu breytingar:

  • Launatöflur
  • Hækka launatöflur
  • Afturvirkar launaleiðréttingar

• Styður Kjarni við jafnlaunavottun?

  Í Kjarna er hægt að halda utan um verðmætamat starfa. Kjarni styður hverja þá leið sem fyrirtæki ákveða að fara í tenglsum við þetta verðmætamat, t.d. Logib flokkun, yfir- og undirviðmið, starfsmat og starfafjölskyldur. Í Kjarna er einnig hægt að skrá launaramma á störf og þannig sjá hvaða starfsmenn fara út fyrir þann launaramma auk þess sem hægt er að skrá rökstuðning á þeim frávikum. Hægt er að tengja starfslýsingar á stöður og ráðningarsamninga á starfsmenn og síðast en ekki síst er einfalt að taka út úr Kjarna jafnlaunavottunarskýrslur, bæði á því formi sem BSI óskar eftir og einni ítarlegri skýrslu sem hægt er að nota til frekari launagreiningar og m.a. er einfalt að taka út í Excel til notkunar í kerfum eins og PayAnalytics.